Шетелдік БАҚ: шолу және талдау. Биылғы Рождество Германияның шығысында Аяз атасыз өтпек

Биылғы Рождество Германияның шығысында Аяз атасыз өтуі мүмкін. Немістің Der Spiegel журналының жазуынша, Рождествоның ең сыйлы қонағы әдетте мерекеге шанамен, көлікпен немесе автобуспен барады. Бірақ сақалды қария биыл елдің кейбір аймақтарына жете алмайтын түрі бар. Өйткені осыған дейін актерлерін мереке күндері жалға беріп келген мекемелер енді бұл қызметпен айналыспайды. Мысалы, берлиндік студенттер одағы мейрамда көпшіліктің көңілін көтеруден бас тартты. Еңбекпен қамту агенттіктері де бұл міндеттен ат-тонын ала қашыпты, - деп жазады басылым тілшісі Кристин Хауг.