Ипотекалық бағдарламалардың шикі тұстары бар ма?

Қаңтардағы қырғын бұрыннан сіресіп тоңған тоң мен сыңысып қалған сеңді қозғады. Байқасаңыз, қан төгілген алаңға шыққандардың дені – жастар. Сенат төрағасы өткен аптада осы жайтқа қатысты пікір білдірген. Мәулен Әшімбаев былай деп еді:

«Қасіретті қаңтар оқиғасы жағдайы жасалмаған жастардың проблемасы қаншалықты өзекті екенін көрсетіп берді. Сол кезде көшеге шыққан жастардың көбінің сапалы білімі, тұрақты жұмысы және табысы болмағаны белгілі. Осындай жастарымызды әртүрлі деструктивті күштердің қаншалықты оңай пайдаланып кете алатынын да көрдік. Бұл біздер үшін ең маңызды сабақ болды және жалпыұлттық күн тәртібінің негізгі басымдығына айналды».