USD 326.28

EUR 398.12

РУБ 5.30

Елбасы Милош Земанды Чех Республикасының Президенті лауазымына қайта сайлануымен құттықтады

Елбасы Милош Земанды Чех Республикасының Президенті лауазымына қайта сайлануымен құттықтады Фото: Akorda.kz

Нұрсұлтан Назарбаев Милош Земанға Чех Республикасының Президенті лауазымына қайта сайлануына байланысты құттықтау жеделхатын жолдады. Бұл туралы Ақорданың баспасөз қызметі хабарлады.

Қазақстан Президенті Нұрсұлтан Назарбаев М.Земанды Чех Республикасы Президентінің сайлауындағы жеңісімен құттықтады.

«Сіздің жеңісіңіз еліңізді одан ары дамытуды көздейтін бағытыңызға деген халық сенімінің айқын дәлелі болып саналады.

Біз биыл дипломатиялық қарым-қатынасымыздың 25 жылдығын атап өтеміз. Ширек ғасыр ішінде Қазақстан мен Чехия арасындағы өзара іс-қимылдың жоғары деңгейге көтерілгеніне қуаныштымын.

Қазақстан мен Чехия арасындағы ынтымақтастық елдеріміздің игілігі үшін өзара серіктестік рухында жалғаса беретініне сенімдімін. Сізге зор денсаулық, жауапты қызметіңізге табыс, ал достас Чехия халқына бейбітшілік пен бақ-береке тілеймін», – делінген жеделхатта.

Хабар 24 әлеуметтік желілерде