Елбасы «Nur Otan» партиясындағы төраға өкілеттігін Президентке береді

Нұрсұлтан Назарбаев «Nur Otan» партиясының төрағасы өкілеттігін Президентке береді.

Бұл туралы Елбасының баспасөз хатшысы Айдос Үкібай твиттер-парақшасында хабарлады.

«Саяси кеңестің кеңейтілген отырысы барысында Нұрсұлтан Назарбаев «Nur Otan» партиясы төрағасының өкілеттігін беру туралы шешім қабылдап, партияны ел Президенті басқаруы тиіс екенін атап өтті. Өкілеттіктерді беру рәсімі партияның жарғысына сәйкес жүзеге асырылады», - деп жазды Айдос Үкібай.