«Самұрық-Қазына» қызметкерлер санын 50%-ке қысқартты
«Самұрық-Қазына» Қорының жаңа ұйымдық құрылымы бекітіліп, қызметкерлер саны 50%-ке қысқарды, деп хабарлайды «Хабар 24».
Нақтырақ айтсақ Қор қызметкерлерінің саны екі есе, яғни 248-ден 124-ке дейін, ал басқарушы қызметтер саны 10-нан 5-ке дейін қысқарды.
Құрылымдық бөлімдер саны 27-ден 18-ге қысқартылса, «кеңесші» қызметтері мүлдем жойылды.
Қордың шетелдегі өкілдіктерін жабу туралы да шешім қабылданды.
Қордың жаңа ұйымдық құрылымы ресми сайтта жарияланған.
Сондай ақ Басқарма ел Үкіметіне жолданатын Қорды реформалау бағдарламасын дайындау мерзімдерін бекітті.