Қазақстанның басым бөлігінде дауылды ескерту жарияланды
Еліміздің басым бөлігінде бүгін күн райына байланысты дауылды ескерту жарияланды.
Атап айтсақ, Маңғыстау, Атырау, Қызылорда, Түркістан облыстарында шаңды дауыл соғады. Сондай-ақ Қазгидромет мамандарының болжамынша,Түркістан облысының кей жерінде бұршақ жауып, найзағай ойнайды. Батыс Қазақстан, Жамбыл, Қарағанды облыстарында екпінді жел тұрып, ал Ақмола, Қостанай, Солтүстік Қазақстан облыстарында тұман түсуі мүмкін дейді синоптиктер.