М.Әуезов атындағы ОҚМУ әлемдік рейтингте жоғарылады

Халықаралық рейтинг агенттігі Quacquarelli Symonds (QS) 2021 жылғы әлемнің ең үздік университеттерінің рейтингін жариялады.

Ұсынылған нәтижелер бойынша М.Әуезов атындағы Оңтүстік Қазақстан университеті 482 позицияға тұрақтады, өткен жылдың көрсеткіштерімен салыстырғанда 8 позицияға жоғарылаған. Рейтингке қатысқан Қазақстанның 14 жоғары оқу орнының ішінде М.Әуезов атындағы Оңтүстік Қазақстан университеті 3-орынға ие болды.

М.Әуезов атындағы Оңтүстік Қазақстан университеті 2012 жылдан бастап QS әлемдегі ең беделді университеттер рейтингісіне қатысып келеді және соңғы бес жыл ішінде негізгі көрсеткіштер жақсарған. Ал бұл – білім беру сапасының үнемі жақсарғанының дәлелі және әлемдік білім кеңістігінің жоғары стандарттарына сәйкестігі.