Азаматтардың қауіпсіздік деңгейі бойынша рейтинг: Қазақстан 81-орынға ие болды

Азаматтардың қауіпсіздік деңгейі бойынша рейтингте Қазақстан 167 елдің ішінде 81-орынға ие болды.

Рейтингте соғыстар мен қақтығыстардың, терроризм мен қылмыстың азаматтардың қауіпсіздігіне қаншалықты әсер ететіні бағаланған, деп хабарлады finprom.kz.

Швейцария, Норвегия мен Люксембург көш бастап тұр. Соңғы орынды Оңтүстік Судан алды.

Рейтингте ТМД елдерінің арасында Өзбекстан, Армения, Түркіменстан, Беларусь, Қырғызстан, Молдова Қазақстаннан алда тұр. Тәжікстан, Әзірбайжан, Ресей мен Украина біздің елден кейінгі орындарға жайғасқан.