Ұйқысыздықтан арылғыңыз келсе...

Түнгі ұйқысыздық – қазіргі адамдарда жиі кездесетін мәселелердің бірі. АҚШ-тың Ауруларды бақылау және алдын алу орталықтарының мәліметтері бойынша адамдардың үштен бірінен астамы түнде жеті сағаттан аз ұйықтады. Мұндай режим жүрек ауруы қаупінің жоғарылауына, көңіл-күйдің нашарлауына, сондай-ақ асқынуларға әкелуі мүмкін, деп хабарлайды «Хабар 24» wi-fi.ru сілтеме жасап.

Ұйқысыздықтан дәрі-дәрмектен басқа да пайдалы өнімдер арқылы арылуға болады. Мысалы, дұрыс таңдалған шай мелатонин жетіспеушілігінен зардап шегетіндердің өмірін жеңілдетеді.

Түймедақ

Ғасырлар бойы дәлелденген түймедақ шайы сіздің ұйқыңызға айтарлықтай әсері бар. Бірнеше зерттеулер түймедақты мазасыздық деңгейінің төмендеуімен байланыстырады, ал бір клиникалық зерттеу егде жастағы адамдар түймедақты тұтынған кезде ұйқының сапасы жақсарғанын көрсетті.

Валериан тамырынан шай

Ұйқыға арналған қоспа ретінде жиі капсула түрінде қолданылатын валериан тамыры шай ретінде тұтынылғанда өте пайдалы дейді мамандар. Ұйқы мен релаксацияны жақсарту үшін ғасырлар бойы дәстүрлі медицинада қолданылған. Ол сондай-ақ GABA-ға (ағзадағы ең үлкен тежегіштер) оң әсер етеді және седативті қасиеттері болуы мүмкін антиоксиданттарды қамтиды.

Куркума шайы

Сарапшылардың пікірінше, куркума – карриге немесе сорпаға дәмді қоспа ғана емес, сонымен қатар ұйқыны жақсартатын керемет шай. Бұл шай түрі қабынуға қарсы әсерге ие, яғни буындар мен асқазан-ішек жолдарының денсаулығына оң әсер етеді.