Теңге рубльге шаққанда нығая түседі

Ұлттық экономика министрі Әлібек Қуантыров осылай деді. Бұған ресейлік инвесторлардың ұлттық валютаға сұранысты арттыруы себеп, деп хабарлайды «Хабар 24».

Өткен аптада Мәскеу биржасында теңге 4 млрд рубльге сатылған. Оның алдындағы сауда көлемі 1 миллиард болатын.  Қуантыровтың айтуынша, бұл үдеріс елдегі инфляцияға оң әсерін тигізеді. Оған қоса ресейлік тауарлар арзандауы мүмкін.

Әлібек Қуантыров, ҚР Ұлттық экономика министрі:

- Биыл теңгенің тұрақты валюта екеніне көз жеткіздік. Иә, түрлі факторлардың әсерінен кейде құбылу болды. Теңге күшейе береді деп ойлаймыз. Бұл өз кезегінде экономиканың түрлі саласына ықпал етеді.