Қазақстан мұнай-газ саласының инвестициялық тартымдылығын арттыра береді

Қазақстан мұнай-газ саласының инвестициялық тартымдылығын арттыруға бағытталған шараларды іске асыруды жалғастыра бермек.

Бұл жөнінде Премьер-министр Әлихан Смайылов Shell компаниясының өкілі Зои Юновичпен кездесу барысында айтты. Отырыста тағы Қарашығанақ пен Қашаған кен орындарын игерудің өзекті мәселелері, мұнай-газ химиясы салаларындағы жобаларды іске қосу және өндірістегі тәуекелдерді азайту жөніндегі шаралар талқыланды. Бұл ретте Зои Юнович компания екі жақты әріптестікті одан сайын нығайтуға дайын екенін растады.