USD 342,73

EUR 403,00

РУБ 5.50

Американдық «Тойс ар ас» дүкендер желісі тақырға отырды

Американдық «Тойс ар ас» дүкендер желісі тақырға отырды

Америкалық бүлдіршіндерді ойыншықтарымен қуантып жүрген «Тойс ар ас» дүкендер желісі тақырға отырды. Мәліметтерге қарағанда, кәсіпорын 5 миллиард доллар қарызға батқан.

Дегенмен компания басшылығы қаржылық қиындықтарды шешуге қауқарымыз жетеді деп отыр. Бүгіннің өзінде олар инвесторлармен келісіп, қарыздың бір бөлігін жабатын 3 миллиард доллар тапқан. Енді келісімді сот растауы керек.

Алпауыт кәсіпорындағы дағдарыс Америка мен Канададағы бөлімшелерге қатты әсер еткен. Себебі мұнда олардың 64 мың қызметкері жұмыс істейтін 1 мың 600 дүкені бар.

Айта кетейік, «Тойс ар ас» 1948 жылы құрылып, Американың ойыншықтар нарығында көшбасшы болды. Алайда соңғы жылдары «Амазон»,  «УолМарт» сынды онлайн-дүкендер бұл кәсіпорынның алдын орап кеткен. 

Хабар 24 әлеуметтік желілерде