361.94 431.00 5.40
+7 (7172) 757 485 24kz@khabar.kz
ҚАЗ

Вьетнамда табиғи апат құрбандарының саны 48-ге жетті

  • 272

Вьетнамның солтүстігі мен оңтүстігін жайлаған су тасқыны мен лай көшкінінен қаза тапқандардың саны 48-ге жетті.

Із-түзсіз жоғалған 22 тұрғын әлі табылған жоқ. Ондаған адам ауруханаға түсті. Елдің орталық бөлігіндегі бірнеше провинциядан 5 мыңнан астам тұрғын көшірілді. Адамдарды эвакуациялау әлі жүргізіліп жатыр. Ал табиғи апатқа өткен аптаның соңынан басталған дауыл мен толассыз нөсер себеп. Көптеген аймақта төтенше жағдай жарияланды. Жергілікті биліктің мәлімдеуінше, 1 мыңнан астам үйді су басып, егістік алқаптарға орасан зор нұқсан келген. Айта кеткен жөн, Вьетнамда тропикалық дауыл мен жауыннан жыл сайын жүздеген адам опат болады. Өткен жылы табиғи апаттан 260-тан астам тұрғын көз жұмды. Ел экономикасы 2 миллиард доллардай шығынға батты.

Хабар 24 телеарнасы