USD 334.92 EUR 396.70 РУБ 5.72

+7 7172 553 642 | 24kz@khabar.kz

      



Ауғанстанда тұтқындағы адамдар құтқарылды

  • 76
  • Бейне
  • Материалды бағалаңыз
    (0 бағалау)
Ауғанстанда тұтқындағы адамдар құтқарылды

Ауғанстанда қауіпсіздік күштерінің арнайы жасақтары Гильменд провинциясында Талибан радикалды қозғалысы содырларының қолынан 30-дан астам адамды босатты.

Оларды тәліптер Навзад уезіндегі өздерінің түрмесінде ұстап келген.

Елдің қорғаныс министрлігі өкілінің мәлімдеуінше операция кезінде құтқарылғандардың арасында 2 полицей мен 12 жасқа дейінгі 4 бала бар. Жергілікті билік өкілдері: «Тәліптер бұл жандарды үкіметті қолдап қауіпсіздік қызметінің өкілдерімен байланысы үшін абақтыға қамаған», –  деп отыр.

Айта кету керек, Ауғанстанда соңғы уақытта ауылды жерлерде ықпалы басым «Талибан» радикалды қозғалысы әскери қимылдарын үдетіп, ірі қалаларды бақылауына алуға күш салып жатыр. Бұған қоса «Ирак пен Левант» лаңкестік ұйымы содырларының да әрекеті белең ала бастаған.

Система Orphus Мәтінде қате таптыңыз ба? Тінтуірмен белгілеп, Ctrl + Enter басыңыз
back to top