Зимбабведе 30 күндік локдаун жарияланды

Зимбабведе қайтадан қатаң карантиндік шектеулер жарияланды, деп хабарлайды «Хабар 24».

Ол 30 күнге созылады. Үкімет өкілдерінің мәлімдеуінше, осы уақыт аралығында азаматтардың қоғамдық орындарда жиналуына тыйым салынады. Мектептер жабылады. Жұрттың жүріп-тұруын азайту мақсатында тіпті кешкі 18:00-ден бастап коменданттық сағат орнату да көзделген.

Айта өтейік, рождестволық мерекелерден кейін Зимбабведе вирус жұқтыру деректері күрт артып кетті. Бір аптада қауіпті инфекция 1 мыңнан астам адамнан табылған.