Ресейде коронавирустың жаңа штамы тіркелді

Ол Ұлыбританияға барып қайтқан азаматтан анықталды, деп хабарлайды «Хабар 24».

Науқастың жағдайы бірқалыпты. Жергілікті биліктің мәлімдеуінше, бұл елде әзірге тіркелген жалғыз оқиға. Бірақ мамандар жаңа вирус жұқпалы болғанымен вакцинаның онымен күресе алатынын айтып, алаңдамауға шақырып отыр. Ал ресми дерекке қарағанда, Ресейде соңғы бір күнде 22 мыңнан астам адам вирусты жұқтырып алған. Жалпы бұл мемлекетте дертке шалдыққандар саны 3 жарым миллионға тақады.