Қырғызстанда AstraZeneca вакцинасы уақытша егілмейтін болды
Қырғызстанда AstraZeneca препараты уақытша егілмейтін болды, деп хабарлайды «Хабар 24».
Оған вакцинаны қабылдаған әскерилерде жанама әсердің пайда болуы себеп. Ақпарат көздерінің хабарлауынша, екпе еккен 4 адамның дене қызуы 39 градустан асып, бас ауруы пайда болған. Тағы 40-тан астам әскериде дене қызуы байқалған. Денсаулығына шағымданғандардың барлығы дәрігерлердің жіті бақылауында. Қазір олардың сырқаттануына вакцинаның қатысы бары анықталып жатыр.