Перуде сұмдық жол апаты болды
Жол апатынан 2 адам ажал құшып, тағы 31-і жарақат алды, деп хабарлайды «Хабар 24».
Елдің батысында болған қайғылы оқиғаны көшедегі бейнекамера түсіріп алған. Ауыр жүк көлігінің жүргізушісі рөлді басқара алмай қалып, 2 жолаушы автобусын соққан.
Жергілікті ақпарат құралдарының хабарлауынша, зардап шеккендер арасында 3 бала бар. Қайтыс болғандар 40 пен 50 жас аралығындағы адамдар. Полиция жол апаты бойынша тергеу ісін бастады.
Хелен Санчес, құрбан болған адамның қызы:
– Біздің елде мұндай сұмдық жол апаттары жиі болады. Полиция мүлде жұмыс істемейді. Жүгенсіз жүргізушілердің кесірінен әлі қанша адам қырылуы керек?