Жапонияда алты қабатты қойма отқа оранды
Қоймадағы алапат өртті 60-қа жуық өрт сөндіру көлігі мен тікұшақ сөндіре алмай жатыр, деп хабарлайды «Хабар 24» TBS телеарнасына сілтеме жасап.
Жапонияның Хонсю аралының оңтүстік-шығысындағы Осака қаласында алты қабатты қойма өртенді. Жалын 10 мың шаршы метр аумақты шарпыған.
Өрт кезінде ғимараттың ішінде 100-ге жуық адам болған, олардың барлығы қауіпсіз жерге шығарылды. Полиция қоймада оны пайдаланушы компания өкілдерінің бар-жоғын тексеруде.
Алдын ала мәлімет бойынша өрт ғимарат бөлмелеріндегі бос картон жәшіктерінің өртенуінен басталған.