ОАР президентіне ковид жұқты
Оңтүстік Африка Республикасының президенті Сирил Рамафоса коронавирус жұқтырып алды.
Бұл туралы мемлекет басшысы кеңсесінің баспасөз қызметі хабарлады. 69 жастағы Рамафоса ел астанасы Кейптаундағы іс-шараға қатысқаннан кейін өзін жайсыз сезінген. Қазір оның жағдайы жаман емес, қорғаныс күштері әскери-медицина қызмет мамандарының бақылауында. Дәрігерлер президент толық вакцина алғандықтан індеттің жеңіл түріне шалдыққанын айтады. Әзірге мемлекет басшысының міндетін вице-президент атқарып жүр.