Канадада компаниялардың жұмыс уақыты қысқартылады

Канаданың Квебек аймағында омикрон штамына байланысты компаниялардан жұмысын 50 процентке азайту талап етілді.

Шіркеу мен өзге де діни орындарға адамдар тек ПТР-тестпен кіргізіледі. Провинцияда кейінгі бір күнде 3 мыңға жуық адам вирус жұқтырып алған. Бұл жыл басынан бергі ең жоғарғы көрсеткіш. Билік ауруханаларда науқастар саны арта ма деп алаңдап отыр.

Франсуа Лего, Квебек провинциясының премьері:

- Дүйсенбіден бастап мейрамхана, дүкен, бар және мәдени-діни орындарға кіретін адамдардың саны шектеледі. Ұжымдық мереке өткізуге тыйым салынып, караоке және би алаңдары жабылады.