Боливияда су тасқынынан 13 адам қайтыс болды

Боливияда толассыз жауған жауын су тасқынына ұласып, салдарынан 13 адам қайтыс болды. Бұл туралы қорғаныс министрінің орынбасары Хуан Карлос Кальвимонтес хабарлады.

«400-ден астам үйге зиян келсе, соның ішінде 80-ін қалыпқа келтіру мүмкін емес. Қазірдің өзінде 13 адамның көз жұмғаны туралы ақпарат бар», – деді ол Bolivia tv эфиріндегі сұхбатында.

Министр орынбасары нөсер жауыннан елдегі тоғыз департаменттің жетеуі зардап шеккенін мәлімдеді. «Санта-Крус департаментінде жағдай өте күрделі», – дегенді қосты ол.

Ал 1000 шақты отбасы су тасқынының зардабын көріп отыр. Бірқатар елді мекенде эвакуация жұмыстары жүріп жатыр. «Қазір шығын көлемі есептелуде», – деді ол.