Перуде 5-11 жастағы балаларды вакциналау науқаны басталды

Өйткені оқушылар онлайн оқудан кейін мектепке қайта оралды, деп хабарлайды «Хабар 24».

Кәмелетке толмағандар Pfizer компаниясының препаратын қабылдайды. Ең алдымен вакцинаны сирек кездесетін, сондай-ақ созылмалы аурулары бар және қатерлі ісікке шалдыққан балалар балалар алады. Билік алдағы уақытта 5 пен 11 жас аралығындағы 4 миллионнан аса бүлдіршін екпе салдыруы тиіс деп жоспарлап отыр. Сондай-ақ наурызға дейін вакцинаның бустерлік дозасын қабылдаған мұғалімдердің үлесін 90 процентке жеткізуге ниетті.

– 5 жастан асқан балалардың вакцина салдыра алатыны жақсы болды. Өйткені сабақ қайта басталды. Екпе оқушыларды қорғайды.

– Үйдегілердің барлығы вакцина салдырған. Енді қызыма да осындай мүмкіндік бұйырды. Дұрыс болды. Әйтпесе ол вирус жұқтырып ала ма деп қатты алаңдайтынмын.

Ал Таиландта да 5 пен 11 жас аралығындағы балаларды вакциналауға дайындық жүріп жатыр. Науқан келесі аптада басталады. Жасы одан үлкен жеткіншектер былтыр күзден бері екпе салдырып жатыр.