Бейжің тұрғыны Олимпиадаға арнап құны 80 мың долларлық кәдесый жинаған

Бейжіңде Чжан Вэньцюань есімді тұрғын Олимпиада ойындарының ең үлкен жанкүйері десе болады.

35 жастағы азамат осы ойындармен байланысты құны 80 мың доллардай болатын түрлі ескерткіш зат пен кәдесый жинаған. Оның шаһардағы шағын пәтерінен хоккей шайбаларынан бастап, естелік марка және түрлі тиындарға дейін көруге болады. Ерекше хоббимен айналысуды 2000 жылы Сиднейдегі Олимпиададан бастаған Чжанның қазір жеке коллекциясында 5 мыңнан аса жәдігер бар.

Чжан Вэньцюань, коллекционер:

- Кейде қатты шаршаған кезде осы жинаған заттарым күш береді. Бұл бұйымдардың әрбіреуінің өзіндік тарихы бар. Оларға қарап Олимпиада ойындарының ашылуы мен жабылуы, спортшылар тартысты сайыстармен байланысты сәттер еске түседі.