Ресей Африка елдеріне астық сатуды көздейді

Ресей Сыртқы істер министрі Сергей Лавров іс-сапармен Египетке барды, деп хабарлайды «Хабар 24».

Каир қаласында ол ел президенті Абдул-Фаттах Ас-Сисимен кездесіп, екіжақты ынтымақтастықты нығайтуға бағытталған бірқатар мәселелерді талқылады. Лавров шілденің 28-іне дейін Эфиопия, Уганда мен Конго Демократиялық Респуликасына да барады. Ресей билігі осы елдердің нарығына кіріп, арадағы алыс-беріс пен барыс-келісті арттыруды жоспарлайды. Аймаққа астық пен энергия экспорттауға ниетті. Қазірдің өзінде Ресей Мысырдағы бірінші "Эль-Дабаа" атом электр станциясының құрылысын бастап кетті. Жоба Египет тұрғындарының 10 процентін электр қуатымен қамтамасыз етуге қауқарлы. Аталған төрт елдің халық саны 270 млн-ды құрайды. Бұл Ресей үшін үлкен нарық болып есептеледі дейді сарапшылар.