Мәскеудегі байқауда Қазақстан үздік деп танылды

Мәскеудегі «Халық шаруашылығы» жетістіктерінің көрмесінде «Қазақстан» павильоны жеңіске жетті, деп хабарлайды «Хабар 24».

Отандастарымыздың отауы «Құрылыс саласында іске асқан ең үздік жоба» байқауында озық деп танылған. Марапатты Ресей астанасының мэрі Сергей Собянин бүгін Құрылысшылар күнінде табыстады. Аталған байқаудың тұрақты өтіп келе жатқанына 20 жылдан асқан. Биылғы сайысқа 107 жоба қатысқан. Онда көрсетілген барлық құрылыс нысандары былтыр қолданысқа берілген.