Боливияда жерігілікті қорықтарға қауіп төніп тұр

Себебі Боливияның орталығы мен солтүстігінде орман өртеніп жатыр, деп хабарлайды «Хабар 24».

Сағатына 90 шақырым жылдамдықпен соққан жел өртті өршітіп жіберді. Қызыл жалын 9 мың гектар жерді шарпыған. Зардап шеккендер туралы мәлімет жоқ. Тілсіз жаумен жүздеген өрт сөндіруші мен әскерилер де арпалысып жатыр.

Йовенка Росадо, Санта-Крус аймағы табиғи ресурстар департаментінің директоры:

– Бени мен Санта-Крус аймағында жалпы 16 өрт ошағы тіркелді. Табиғат апатынан 11 аудан зардап шекті. Аймақта жағдай одан әрі ушығуы мүмкін. Сондықтан қауіптің сарғылт түсі жарияланды.

Ал АҚШ-тың Калифорния штатында 2 жерде орман өртеніп жатыр. Осыдан бірнеше күн бұрын Хемет қаласының маңында тұтанған жалын 2 жарым мың гектар жерге тараған. 2 адам көз жұмды. Апатты аудандардан тұрғындарды эвакуациялау жүріп жатыр. Өрт аумағының 5 пайызы ғана сөндірілген. Мамандар мұнда да жалынды өшіруге жел кедергі келтіріп отырғанын айтады.