«Украина дауысы»: алматылық бойжеткен Тина Карольді тәнті етті

Тағы бір қазақстандық «Украина дауысы» жобасында іріктеу сынынан өтті.

Бұл жолы алматылық Сәуле Жұмабекова музыкалық шоудың 11-маусымында Тина Карольдің «Я все еще люблю» әнін орындады.

24 жастағы бойжеткеннің өнеріне тәнті болған Тина Кароль жерлесімізге алғысын айтып, өз командасына қосты. Сосын осы әнді дуэт болып орындады.

Бұған дейін қазақстандық Александр Лимнің «Голос Країни» ән байқауының келесі кезеңіне өткенін хабарлағанбыз. Балқаш тумасы «Океан Ельзи» тобының «Там, де нас нема» әнін орындаған болатын. 

Ал былтыр Ерлан Байбазаров пен Индира Еділбаева осы жобаға қатысып, екеуі де финалда өнер көрсетті.