USD 335.44 EUR 394.47 РУБ 5.80

+7 7172 553 642 | 24kz@khabar.kz

      


Ақтөбеде бауыр ауыстыру операциясы сәтті өтті

  • 299
  • Бейне
  • Материалды бағалаңыз
    (0 бағалау)
Ақтөбеде бауыр ауыстыру операциясы сәтті өтті

Ақтөбеде бауыр ауыстыру операциясы сәтті өтті.

53 жастағы сырқат жансақтау бөлімінен жалпы палатаға шығарылды. Дәрігерлер күрделі операцияны Оңтүстік Кореядан келген мамандардың көмегімен жасады. Әкесіне бауырының жартысын бөліп берген ұлының да жағдайы бірқалыпты.

Бірнеше күн бұрын күрделі операция жасатқан Жолдыбай Симановтың жағдайы жақсарып келеді. Ол осыдан 2 ай бұрын өмірден күдерін үзген еді. Бауыр церрозы асқынып, бір күнде жансақтау бөліміне түседі. Кенже ұлы Еркебұлан әкесіне донор болғысы келетінін айтады. Қажетті сараптама жасалып, оларды операцияға дайындайды. Ақтөбеге шеберлік сағатын өткізуге жиі келетін оңтүстіккореялық хирургтер ел Тәуелсіздігінің 25 жылдығына орай операцияны тегін жасады.

Ақжан Симанова, Ж.Симановтың жұбайы:

- Бір үйден бір емес, екі адам операцияға жатып жатқанда қатты қорықтым, түнімен ұйықтамай шықтым. Дәрігерлерге сендік. Жанұямның түгел болғанына үлкен алғысым бар айтатын.

Трансплантология операциясының қиындығы сонда операция үстелінде 2 сырқат жатады, бірнеше білікті хирург қатысады. Кореялық мамандар жергілікті дәрігерлермен бірлесе жұмыс жасады. Облыстық көпсалалы аурухананың хирургтері Жанәділ Әлмырзаұлы мен Ермахан Асылханұлы дәл осы трансплантология саласында машықтанып жүр. Екеуі де шетелдерде тәжірибе жинап келген.

Жанәділ Әлмырзаұлы, хирург-трансплантолог:

- Соңғы 2 жыл ішінде осы операцияға қатысатын мамандар даярланды. Олар қазіргі таңда барлық бригада қалыптасты. Барлығы Корея, Беларусь, басқа да шетелдерден оқытылып, біліктіліктерін арттырды.

Трансплантология операциялары Батыс өңірде тек Ақтөбеде жасалады. 2014 жылы алғаш рет бүйрек ауыстыру операциясы сәтті өтті. Соңғы 2 жылда 17 адамның бүйрегі алмастырылды. Бауыр трансплантологиясы биылдан бастап қолға алынды. 6 сырқатқа туысы донор болып, операция жасалды.

Авторлары: Ақсәуле Байменшина, Болат Молдағалиев

Система Orphus Мәтінде қате таптыңыз ба? Тінтуірмен белгілеп, Ctrl + Enter басыңыз
back to top