359.76 423.70 5.47
+7 (7172) 757 485 24kz@khabar.kz
ҚАЗ

Елорда тұрғындары мен қонақтары 30-31 тамыз күндері сол жағалауға тегін экскурсия жасай алады

  • 133
Елорда тұрғындары мен қонақтары 30-31 тамыз күндері сол жағалауға тегін экскурсия жасай алады

30-31 тамыз күндері елорда тұрғындары мен қонақтары сол жағалау бойынша тегін экскурсияға қатыса алады.

Бұл туралы Астана қаласы әкімдігінің ресми сайты хабарлайды.

«Рухани жаңғыру» бағдарламасының аясында және Астана қаласының 20 жылдығы мен Конституция күніне орай, 30-31 тамыз күндері Астана тұрғындары мен қонақтары «Red Bus» автобустарымен Астананың сол жағалауымен тегін экскурсияға қатысу мүмкіндігіне ие болады.

Экскурсия «AiLand» (океанариум) көңіл көтеру орталығынан және «MEGA Silkway» сауда ойын-сауық орталығынан басталады.

Экскурсия автобус ішіндегі дыбыс күшейткіштер арқылы қазақ және орыс тілдеріндегі аудиогидтер көмегімен жүзеге асырылады (бір рейс - қазақ тілінде, екінші рейс - орыс тілінде, ауысу арқылы).

Экскурсияны белгілі бір тілде ғана тыңдағысы келетіндер өздерімен бірге құлаққап алып келуі керек. Мерекелік тегін серуен кезінде құлаққаптар берілмейді.

Барлық сұрақтар бойынша call-орталыққа хабарласуға болады: +7 777 555 75 75, 77-90-99.

«AiLand» аялдамасынан қозғалу уақыты:

 - сағ. 10:00 (қазақ тілінде);

 - сағ. 12:05 (орыс тілінде);

 - сағ. 14:45 (қазақ тілінде);

 - сағ. 16:50 (орыс тілінде);

 - сағ. 18:55 (қазақ тілінде).

Ары қарай келесі аялдамалар болады:«Хан Шатыр» СОСО, «Мәңгілік Ел» салтанат қақпасы, «MEGA SilkWay» СОСО, Ұлттық Музей және «Астана Бәйтерек» монументі.

«MEGA Silkway» аялдамасынан қозғалу уақыты:

- сағ. 10:00 (қазақ тілінде);

 - сағ. 12:05 (орыс тілінде);

 - сағ. 14:45 (қазақ тілінде);

 - сағ. 16:50 (орыс тілінде);

 - сағ. 18:55 (қазақ тілінде).

Ары қарай келесі аялдамалар болады: Ұлттық Музей, «Астана Бәйтерек» монументі, «AiLand» (океанариум) көңіл көтеру орталығы, «Хан Шатыр» СОСО және «Мәңгілік Ел» салтанат қақпасы.

Хабар 24 телеарнасы