Елімізде баламалы энергия көздерін дамыту бойынша жаңа заң жобасы әзірленбек

Баламалы энергия көздерін дамыту мәселелері бойынша жаңа заң жобасын әзірлеу керек.

Құжатта жаңартылған энергия ғана емес, барлық баламалы қуат көздерін дамыту жолдарын реттейтін нормалар қарастырылуы керек. Бұл туралы Президент Қасым-Жомарт Тоқаев айтты. Сондай-ақ Мемлекет басшысы медициналық және педагогикалық мамандықта оқитын студенттердің стипендиясын көтеру мәселесіне тоқталды. Бүгінде осы салаларда білікті маман тапшы. Мәселе кезек күттірмейді. Оны шешу үшін дәрігерлер мен мұғалімдердің жалақысы кезең-кезеңімен көбейтіліп келеді. Биыл педагогика мамандығында оқитын студенттердің шәкіртақысы артты. Бұл қадам оң нәтижесін көрсеткен. Сондықтан Мемлекет басшысы алдағы уақытта медицина мамандығында оқитын студенттердің стипендиясын көтеру қажеттігін айтты.