Қазақстанда баспана сатып алу бойынша жасалған келісімдер саны артқан
Қазақстанда наурыз айында тұрғын үйді сатып алу-сату бойынша 52 673 келісім жасалған.
Бұл ақпан айымен салыстырғанда 28,2 процентке көп. Ал ақпанда бұл көрсеткін 90,5 процентті құрап еді.
ҚР Ұлттық статистика бюросының мәліметінше, Атырау (+66.3 %), Ақтөбе (+50.6 %) және Маңғыстау облыстары (+48.4 %) жоғары көрсеткіш тіркелген. Нұр-Сұлтанда -0.8 %-ке төмендеген.
Айдың көшбасшылары өзгеріссіз, деп жазады krisha.kz:
– Маңғыстау облысы – 9852 келісім;
– Нұр-Сұлтан – 6524;
– Алматы – 6481.
Ал СҚО (523), Қызылорда (884) және Жамбыл облыстары (970) тізімнің төменгі жағында тұр.
Осы 52 673 келісімнің 40 098-і пәтерлерге тиесілі, ал 12 575-і – үйлер.