Әскери медицина коронавируспен қалай күреседі?
Еліміздің Қарулы Күштерінде коронавирус індетімен күрес жедел жүріп жатыр, деп хабарлайды «Хабар 24».
Бүгінде жеке құрамның 100%-і вакцина алған. Әскери бөлімдер мен мекемелер қажетті қорғаныс және медициналық құралдармен қамтамасыз етілген. Эпидемияға қарсы және санитарлық-профилактикалық іс-шаралар өткізіліп тұрады.
Әлбек Манабаев, ҚР ҚК Санитарлық-эпидемиологиялық қадағалау басқармасының бастығы, полковник:
– Коронавирус инфекциясы бойынша әскери ортада коллективтік иммунитет құрылғанна кейін тұрақты деп санауға болады. Қазір әскерилер жеке құрамы екпе алғандардың саны 100%-ке жетті: оның 99%-і бірінші компонетті қабылдағандар болса, екінші компонентті 92%-ке жуық адам. Соның арқасында эпидемиологиялық жағдай тұтақтанды.
Сондай-ақ әскери дәрігерлер азаматтық ұйымдарда қызмет ететін әріптестеріне көмектесуге дайын. Елордадағы Бас әскери клиникалық госпитал қазірдің өзінде коронавирусқа шалдыққандарды емдеп жатыр.
Әлбек Манабаев, ҚР ҚК Санитарлық-эпидемиологиялық қадағалау басқармасының бастығы, полковник:
– Биыл да қажет болған жағдайда 3 әскери госпиталь әзір тұр. Талдықорған және Үшаралдағы үш әскери мекеме. Одан басқа 11 медициналық медбикелік бригада құрылды. Олар шалғай ауданға қажет болғанда жұмылдырылады.
Санитарлық-эпидемиологиялық орталықтың екі филиалы «Астана» мен «Батыста» мамандардың саны артты. Олардың құрамына ең қажетті мамандық иелері кіріп отыр.
Авторы: Айнұр Қуатқызы