Ақмола облысында жылу қазандығының жарылысынан үш адам жараланды
Ақмола облысында мектептің жылу қазандығы жарылып, 3 адам жарақат алды.
Жергілікті әкімдіктің мәліметінше, оқиға Аршалы ауданында түс кезінде болған. Салдарынан от жағушы боп жұмыс істейтін 3 адам қатты жарақаттанған. Қазір олардың біреуі ауыр халде реанимацияда жатыр. Қалған екеуі хирургия бөлімінде ем қабылдауда. Ал оқушылар мен ұстаздар зардап шеккен жоқ. Қазір апаттың себебі анықталып жатыр.