USD 344,58

EUR 401,20

РУБ 5.50

Жамбыл облысындағы пойыз апаты: Арнайы комиссия құрылды

Жамбыл облысындағы пойыз апаты: Арнайы комиссия құрылды

Соңы адам өліміне әкеліп соққан теміржол апатына байланысты пойыз вагондарының рельстен ажырау себебін анықтау үшін арнайы комиссия құрылды.

Еске сала кетейік, бүгін Жамбыл облысының Шу стансасы маңында «Астана-Алматы» бағытындағы жолаушылар пойызының бірнеше вагоны рельстен шығып кетті. Салдарынан 4 адам зардап шегіп, оның біреуі – жасөспірім қаза тапқан болатын.

Оралхан Құлақов, «ҚТЖ Жүк тасымалы» акционерлік қоғамының басқарма төрағасы:

– Үлкен комиссия жұмысы біткен соң қорытындысымен Қазақстан темір жолының басшысы қатаң шара қолданады. Өз атымнан, қоғамның атынан марқұм болған баланың әке-шешесіне, туған-туысқандарына көңіл білдіреміз. Басқа жолаушылардан кешірім сұраймыз.

Сондай-ақ Жамбыл облыстық ТЖД жанынан шұғыл байланыс желісі іске қосылды. (51-35-75, 51-41-67).

Хабар 24 әлеуметтік желілерде