361.94 431.00 5.40
+7 (7172) 757 485 24kz@khabar.kz
ҚАЗ

Сыр өңірінде жыл басынан бері 16 адам суға кеткен

  • 124

Қызылорда облысында жыл басынан бері 16 адам суға кеткен.

Оның төртеуі – бала. Тек жазғы шомылу маусымы басталғалы бері 22 судағы төтенше жағдай тіркеліп, 12 адам қаза тапты. Ал тағы 10 адамды құтқарушылар ажалдан арашалап қалған. «Қайғылы жағдайлардың басым бөлігі жергілікті тұрғындардың қауіпсіздік шараларын сақтамауынан болады», – дейді мамандар. Келеңсіз жағдайлардың алдын алу үшін түрлі ескерту шаралары мен рейдтер ұйымдастырылуда. Мәселен, Қызылорда қаласы аумағында жүргізілген рейд барысында қауіпті су айдындарында жүрген 500-ден астам азаматқа ескерту жасалып, үйлеріне қайтарылды. Ал қалада құтқарушылар суға батып бара жатқан 2 адамның өмірін сақтап қалды.

Мейрамбек Доспенбетов, ҚР ІІМ ТЖК «Оңтүстік өңірлік аэроұтқыр жедел-құтқару жасағы» ММ басшысының міндетін атқарушы:

– Қызылорда облысының ТЖД қала бойынша 7 бағытта жұмыс істеп жатыр, ал құтқару қызметі 4 бағытта жұмыс жүргізіп жатыр. Біріншіден, бізде суға түсетін демалыс аймақтары өте аз. Қала бойынша екі жерде ғана. Біреуі Арай демалыс орнында болса, екіншісі Белкөл кентінде.

Хабар 24 телеарнасы