359.00 431.00 5.39
+7 (7172) 757 485 24kz@khabar.kz
ҚАЗ

Маңғыстау облыстық ауруханасына оқ жарақатымен үш адам түсті

  • 174
Маңғыстау облыстық ауруханасына оқ жарақатымен үш адам түсті BNews.kz

Маңғыстау облыстық ауруханасына оқ тиіп жарақат алған үш адам жеткізілді. Олар Құрық ауылынан 6 қыркүйек күні сағат 02:00-де түскен.

Бұл туралы Лада.кз сайтына сілтеме жасап ҚазАқпарат хабарлады.

Облыстық аурухананың баспасөз қызметінен мәлім еткендей, екі зардап шегуші нейрохирургия және травматология бөлімшелерінде орташа ауыр жағдайда жатыр.

«1990 жылғы науқастың төменгі жағы мен самайына оқ тиіп жарақаттанған. Қазір нейрохирургия бөлімінде орташа ауыр жағдайда жатыр. 1994 жылғы екінші зардап шегушінің екі қолы мен көкірек қуысына оқ тиген. Ол травматология бөліміне жатқызылды. Жағдайы орташа ауыр деңгейде. 1994 жылы туған үшінші зардап шегуші құрсақ қуысы, көкірек қуысы, аяғы, асқазаны, аш ішегі мен тоқ ішегіне быдыралы жарақат алған. Ота жасалып, көкбауырын алып тастадық. Қазір жансақтау бөлімінде жатыр, өкпесі жасанды аппаратқа қосылған», - деп түсіндірді Маңғыстау облыстық ауруханасы қабылдау бөлімінің меңгерушісі Айтқали Шалабаев.

Дәрігердің айтуынша, олардың үшеуі де Құрық ауылының тұрғындары.

Хабар 24 телеарнасы