Екібастұзда белгісіз біреу куәгерлердің көзінше ер адамды атып кетті.
Қылмысты сыртқы бейнебақылау камералары жазып алды, деп хабарлады Pavlodarnews.kz.
Облыстық полиция департаменті баспасөз қызметінің мәлімдеуінше, бүгін сағат 08:00 шамасында Екібастұз қаласының Сәтбаев көшесіндегі үйдің ауласында белгісіз біреу ер адамға белгісіз қарудан оқ атқан. Ер адам алған жарақатынан оқиға орнында көз жұмды
«Аталған фактіге қатысты ҚР Қылмыстық кодексінің 99-бабы 1-бөлігі бойынша сотқа дейінгі тергеу басталды. Қылмысты жасады деп күдіктелген адамды анықтау бойынша жедел-іздестіру шаралары жүргізіліп жатыр, - деді баспасөз қызметінде.
Полиция бұл іс бойынша кез келген ақпараты бар азаматтардан 102 нөміріне хабарласуды сұрайды. Хабарлаған адамның аты-жөнін құпия сақтауға кепілдік беріледі.
Қазақстан Республикасы Қылмыстық іс жүргізу кодексінің 201-бабына сәйкес тергеу мүддесіне сай өзге ақпарат таратылмайды.