Атырау облысында КамАЗ автобуспен соқтығысты
Атырау облысы Жылыой ауданының аумағында жол-көлік оқиғасы болды.
Құлсары мен Теңіз кен орыны аралығындағы тас жол бойымен желдей жүйткіген КамАЗ көлігі «жұмысшылар автобусын басып озамын» деп соқтығысқан. Салдарынан жұмысқа бара жатқан 8 адам зардап шекті. Автобус жүргізушісі аудандық ауруханада жатыр.
Ақ халаттылардың айтуынша, қатты соққыдан жүргізушінің миы шайқалған.
Гүлназира Мұхтарова, облыстық ПД баспасөз хатшысы:
- Зардап шеккен сегіз адамның жетеуіне көмек көрсетіліп, кері қайтарылды. Бір көлік жүргізушісі ауруханаға жеткізілді. Бүгінгі күні осы жол-көлік оқиғасына қатысты қылмыстық кодекстің 345-бабы, көлік құралдарын басқаратын адамдардың көлік құралдарын пайдалану қағидаларын бұзу бойынша сотқа дейін тергеп тексеру жүргізілуде.