Есірткі өсіруді кәсіпке айналдырған қылмыстық топ ұсталды
Атырау және Батыс Қазақстан облысында есірткі өсіруді кәсіпке айналдырған қылмыстық топ ұсталды.
Құрамында 30-дан астам адам бар. 17-сі көрші мемлекеттің азаматтары. Олар 3 бірдей марихуана плантациясына иелік еткен. Заңсыз айналымнан 4 тоннадан астам марихуана мен 7 атыс қаруы және оқдәрі тәркіленді. Бұдан бөлек тінту барысында браконьерлік жолмен ауланған бекіре тұқымдас балықтар мен ақбөкен мүйіздері анықталды.