Жамбыл облысында контрафактілік өнімдер тәркіленді
Жамбыл облысында контрафактілік өнімдер тәркіленді
Жамбыл облысында Puma, Adidas, Reebok сынды әйгілі брент атауларын «жамылған» спорттық киімдер тәркіленді. Заңсыз тасымал қырғыз-қазақ шекарасындағы тексеру бекетінде анықталған, деп хабарлайды «Хабар 24».
Қазір мыңға тарта өнімнің жоғарыда аталған компанияларға қатысы бар-жоғы анықталып жатыр. Әзірге Puma-ның өкілдері анықталған тауарға келтірілген шығын көлемі 10 млн теңгеден асатынын мәлімдеді. Қалған брендтерден шағым түспеген. Қаржылық мониторинг агенттігі жедел-іздестіру шарасын жүргізіп жатыр.
Әлібек Әбділов, Қаржылық мониторинг агенттігінің баспасөз хатшысы:
– Агенттік басқа келтірілген шығынды анықтаумен айналысуда. Қазіргі таңда бірқатар жедел іздестіру шаралары жүргізілуде. ҚР ҚПК 200 бабына сәйкес өзге мәліметтер жария етуге жатпайды.