Қарағандыда жауын салдарынан мектептің шатыры опырылып түсті
Қарағандыда нөсер жаңбыр салдарынан мектеп шатыры опырылып түсті, деп хабарлайды «Хабар 24».
Төтенше жағдай №50 орта мектепте болған. Спорт залының төбесі құлады. Зардап шеккендер жоқ.
Қалалық білім бөлімінің мәліметінше, 60 жылдық тарихы бар мектепте бұған дейін апатты жағдай тіркелмеген.
Айта кетерлігі, ғимарат жоспарлы жөндеуде тұрған.