Ақтөбеде жыл басынан бері үш адам өрттен көз жұмды

6 азамат түрлі жарақат алған. Жылыту маусымы басталғалы Төтенше жағдайлар депарматенті мамандары тұрғындарға қауіпсіздік ережелерін қатаң сақтау керектігін ескертіп, үй-үйді аралап жүр, деп хабарлайды «Хабар 24».

Бірінші кезекте саяжайлар мен қала іргесіндегі ауылдарға көңіл бөлген. Әсіресе, баспананы көмірмен жылытып отырғандар назарда. Құтқарушылар төтенше жағдайдың алдын алу мен бола қалған кездегі іс-әрекетті түсіндіріп, ескерту қағаздарын таратуда.

Аслан Арзымбетов, қалалық ТЖБ бөлім бастығы:

- Ақтөбе қаласында жүздес астам үй бар пешпен жағатын. Осындай үйлерде жаңағы улы газбен уланып қалудың алдын алу мақсатында, он отбасына өрт сөндіргіштер және пештің алдына орналастыруға арналған датчиктер орнататын боламыз.