Маңғыстауда есірткі «жұтқыштардың» жолы кесілді

Маңғыстау облысында есірткі «жұтып» шекарадан өтпек болғандардың жолы кесілді.

Бұл туралы  Ұлттық қауіпсіздік комитеті хабарлап отыр. Шетелдік екі күдіктінің асқазанынан героин және синтетикалық еліткіштің 30-дан астам ұсақ контейнері алынды. Олар Қазақстанға контрабандалық жолмен шамамен 1 келі болатын есірткі заттарын алып өтпек болған. Күдіктілер қамауға алынды. Қазір тергеп тексеру жұмыстары жүргізіліп жатыр.