352.90 417.80 5.31
+7 (7172) 757 485 24kz@khabar.kz
ҚАЗ

Каспийдің құқықтық мәртебесі туралы конвенцияны әзірлеу жөнінен Арнайы жұмыс тобының отырысы өтті

  • 147
Каспийдің құқықтық мәртебесі туралы конвенцияны әзірлеу жөнінен Арнайы жұмыс тобының отырысы өтті

Ақтау қаласында Каспий жағалауы мемлекеттері Сыртқы істер министрлерінің орынбасарлары деңгейінде Каспий теңізінің құқықтық мәртебесі туралы конвенцияны әзірлеу бойынша Арнайы жұмыс тобының (АЖТ) қорытынды 52-отырысы өтті.

Келіссөздерге Әзербайжан Респубикасы (жетекшісі – Х.А.Халафов), Иран Ислам Республикасы (жетекшісі – Р. Назар Ахари), Қазақстан Республикасы (жетекшісі – З.A.Аманжолова), Ресей Федерациясы (жетекшісі – И.Б.Братчиков) және Түрікменстанның (жетекшісі – М.Г.Атаджанов) делегациялары қатысты.

АЖТ отырысында тараптар Бесінші Каспий саммитінің құжаттарын әзірлеу бойынша жұмыстың қорытындысын шығарды, сондай-ақ Каспий жағалауы мемлекеттерінің сыртқы істер министрлері кеңесінің күн тәртібін талқылады және келістірді.

Каспий теңізінің құқықтық мәртебесі туралы конвенцияны әзірлеу бойынша келіссөздердің аяқталуына орай тараптар бірлескен ұзақ мерзімді жұмыс нәтижелерін зор қанағатпен атап өтті.

Делегациялар келіссөздердің нәтижелеріне оң баға беріп, қорытынды кездесуді жоғары деңгейде ұйымдастырғаны үшін Қазақстан Республикасына өз ризашылығын білдірді.

ҚР СІМ Баспасөз қызметі

Хабар 24 телеарнасы