356.54 417.80 5.38
+7 (7172) 757 485 24kz@khabar.kz
ҚАЗ

Даниал Ахметов Өскемен әкіміне жұмыстан өз еркімен кетуді ұсынды

  • 184
Даниал Ахметов Өскемен әкіміне жұмыстан өз еркімен кетуді ұсынды tengrinews.kz

Шығыс Қазақстан облысының әкімі Даниал Ахметов Өскемен әкімі Қуат Тумабаевқа жұмыстан кетуді ұсынды.

Бұл туралы YK-News.kz-ке сілтеме жасап, Tengrinews хабарлайды. Мұндай ұсынысты Даниал Ахметов облыс әкімдігінің отырысы кезінде мәлімдеді.

«Меніңше, Қуат Тумабаевтың осындай жоғары лауазымда отыруға моральдық құқығы жоқ. Мен оған өз еркімен жұмыстан кету туралы арыз жазуды ұсындым», - деді Даниал Ахметов.

Айта кеткен жөн, Қуат Тумабаев Риддерде адам өлімімен аяқталған жол апатының куәгері болған еді. Жол-көлік оқиғасы 2018 жылдың 15 сәуірінде шамамен сағат 21.00-де болды. Кейінірек Өскемен әкімінің адам қаққан шенеуніктің көлігінде болғаны анықталды. Жол апатынан ер адам қаза тапқан еді. Осыған дейін Мемлекеттік қызмет істері және сыбайлас жемқорлыққа қарсы іс-қимыл департаментінің этика жөніндегі кеңесінде Тумабаевтың қызметіне толықтай сәйкес еместігін мәлімдеген еді.

Хабар 24 телеарнасы