USD 345,77

EUR 401,20

РУБ 5.48

Семсерлесуші Руслан Құрбанов қола медаль жеңіп алды

  • 351
Семсерлесуші Руслан Құрбанов қола медаль жеңіп алды i.ytimg.com

Италияда өткен семсерлесу спорты бойынша жыл сайынғы дәстүрлі 42-ші «Trofeo Carroccio» турнирінде ел намысын қорғаған спортшы Руслан Құрбанов қола медаль жеңіп алды.

Руслан турнир чемпионы венгриялық Андраз Редлиге жартылай финалда есе жіберген болатын. Оның алдында француз Александра Бардэнэ 15:14, ирандық Мохаммед Резай Тади 15:13, кореялық спортшыны 15:13, жапондық Ямада Масаруды 14:11 есебімен тізе бүктірген болатын. Бұл Русланның Әлем кубогы кезеңіндегі жекелей сын бойынша алып отырған алғашқы медалі.

Айта кетейік, Руслан Құрбанов – болашағынан үлкен үміт күттіретін спортшы. Ол Азия чемпионатының алтын медалін, Татарстанда өткен Универсиаданың күмісін иеленген. Ерлер арасында өткен әлемдік біріншілікте 1/8 финалға дейін жетіп, 215 спортшының арасынан 14-орынға тұрақтады. Қазір Руслан әлемдік рейтингтің 16-шы орнында.

Ақпарат көзі: prosports.kz

Хабар 24 әлеуметтік желілерде