Месси «Барселонада» қалу үшін өз талаптарын атады

«Барселонаның» шабуылшысы Лионель Месси командада қалу үшін өз талаптарын атады, деп хабарлайды prosports.kz.

Televisión Española мәліметінше, футболшының әкесі әрі агенті Хорхе Месси «Барселонаның» президенті Жоан Лапортеге командаға Чемпиондар лигасын жеңіп алуға көмектесе алатын жоғары деңгейлі ойыншылар келген жағдайда ғана қалатынын айтқан.

«Барселонаның» жаңа президенті Жоан Лапорта командаға Эрлинг Холанд секілді дарынды футболшыларды шақыру арқылы мақсатының айқын екенін көрсетіп, Мессиді қалуға үгіттейді.