Елена Рыбакина ресми түрде әлемнің он екінші ракеткасы атанды
Қазақстан құрамасының көшбасшысы Елена Рыбакина әлемдік рейтингте ресми түрде 12-орынға көтерілді, деп хабарлайды Vesti.kz.
Бүгін, 16 қаңтарда Әйелдер теннисі қауымдастығының (WTA) жаңартылған рейтингі жарияланды.
Осыған дейін 13-орында тұрған отандасымыз американдық Совия Кенинді небәрі үш ұпайға басып озды.
11-орынға 2968 ұпайы бар ресейлік Анастасия Павлюченкова жайғасса, тунистік Онс Жабер 3500 ұпаймен ең үздік ондықты түйіндеп тұр.
Қазақстан теннисінің тарихында бұрын-соңды ешқандай спортшы 12-ге дейін көтерілмеген.
Сонымен қатар төрт саты жоғарылаған Зарина Дияс 732 баллмен 104-орынға шықты.