Абылайхан Амзеев грек-рим күресінен Азия чемпионатының күміс жүлдегері атанды

Қазақстандық балуан Абылайхан Амзеев (72 кг) Моңғолияда грек-рим күресінен Азия чемпионатының күміс жүлдесін иеленді, деп хабарлайды Prosports.kz.

Финалда Амзеев ирандық Мохамад Реза Хойотолла Мохтаримен кездесті. Қазақстандық балуан қарсыласынан 1:4 есебімен жеңілді.

Бұған дейін қазақстандық Мейіржан Шермаханбет 67 келіде Азия чемпионы атанса, Ернұр Фидахметов (60 кг) қола жүлде иеленген.